ევროპული საქართველოს ერთ-ერთი ლიდერის, სერგი კაპანაძის თქმით, ცენტრალურმა საარჩევნო კომისიამ ოპოზიციურ პარტიებთან ჩანიშნა სხდომა 18:00 საათზე, სადაც ის განიხილავს სხვადასხვა ოპოზიცური პარტიის ასეულობით საჩივარს.

კაპანაძის თქმით, ფაქტი, რომ ცენტრალური საარჩევნო კომისია გეგმავს ასეულობით სერიოზული საჩივარის მხოლოდ რამდენიმე საათში და შემაჯამებელი ოქმების დაწერას, მიუთითებს იმაზე, რომ კოორდინირებული, კარგად ორკესტრირებული ქართული ოცნების მანქანა, რომელმაც გააყალბა არჩევნები, ყველანაირი ობიექტური იურიდიული პროცედურის გარეშე აპირებს ოფიციალურად გააფორმოს არჩევნების გაყალბებული შედეგები.

"დღეს ცენტრალურმა საარჩევნო კომისიამ 18:00 საათზე ჩანიშნა შემაჯამებელი სხდომა, სადაც აპირებს უკვე გამოქვეყნებული დღის წესრიგის მიხედვით, რომ განიხილოს ყველა საჩივარი ერთად და აქ არის საუბარი ყველა პოლიტიკური ძალის 138 საჩივარზე, რომელიც ეხება პრაქტიკულად ყველა ოლქის ან ოლქების დიდი ნაწილის შედეგების გაუქმებას.

აქ საუბარია ძალიან დროტევად და ხანგრძლივ პროცესზე, ხოლო ცესკო აპირებს, რომ ყველა ეს საჩივარი ერთად, ერთ პუნქტში განიხილოს, როგორც ჩანს ისე, რომ დროც კი არ დაუთმოს, რადგან დღეს სხდომა 18:00 საათზე დანიშნა და 22:00 საათზე ისინი მუშაობას ამთავრებენ. ანუ, როგორც ჩანს, ხელს აწერენ და ყველა საჩივარზე იტყვიან უარს.

მეორე, არის ის, რომ ცესკო დღესვე აპირებს, შეაჯამოს არჩევნები და გამოაქვეყნოს შემაჯამებელი ოქმი. ანუ, პრაქტიკულად ცესკომ დაადასტურა, რომ არ აპირებს არცერთი სერიოზული საჩივრის სერიოზულად განხილვას.

ისე, როგორც აქამდე, არც საოლქო კომისიები არ განიხილავდნენ სერიოზულად და ევროპულ საქართველოს ყველა საჩივარზე უარი უთხრეს, ისევე როგორც, სასამართლოებმა არ განიხილეს სერიოზულად არცერთი პოლიტიკური ძალის საჩივარი და პრაქტიკულად 99%-ზე გადათვლაზეც და გაუქმებაზეც უარი უთხრეს, ზუსტად ანალოგიურად ცესკოც აპირებს, რომ ერთი ხელის მოსმით ამდენი საჩივარი განიხილოს რამდენიმე წუთში და და თქვას უარი და დღესვე გააფორმოს, რომ მეორე ტურები იქნება 21 ნოემბერს.

ეს მეტყველებს იმაზე, რომ ეს კოორდინირებული და კარგად ორკესტრირებული ქართული ოცნების მანქანა, რომელმაც გააყალბა არჩევნები, ყველანაირი შანსის მიცემის გარეშე იურიდიული პროცესისთვის, რომ მართლა ყოფილიყო გადათვლა, უბნების გახსნა და განხილვა საჩივრების, დამთავრდება ასე რამდენიმე წუთში.

ამით კიდევ ერთხელ გაუსვა ქართულმა ოცნებამ და ცესკომ, რომ უარს ამბობს სერიოზულად განიხილოს საჩივრები და გაასწორის ის დარღვევბი და უარს ამბობს, რომ გადახედოს ქართველი ხალხის ნების გაყალბებას" — განაცხადა კაპანაძემ.