საქართველო-ჩრდილოეთ მაკედონიის მატჩის მერე გულშემატკივარი 2 000 ლარით დააჯარიმეს. ინფორმაცია ამის შესახებ TV პირველმა გაავრცელა.

"მინიმუმ, ეს გამონაკლისი მაინც უნდა დაეშვათ, რომ დინამოდან სახლამდე მივუსლიყავი", — განაცხადა გულშემატკივარმა.

საკოორდინაციო საბჭოს გადაწყვეტილებით, 9 ნოემბრიდან დიდ ქალაქებში: თბილისში, ბათუმში, ქუთაისში, რუსთავში, ზუგდიდში, გორსა და ფოთში 22:00 საათიდან დილის 05:00 საათამდე გადაადგილება შეიზღუდა. შეზღუდვა ვრცელდება როგორც ქვეითად, ისე ტრანსპორტით და კერძო ავტომობილებით მოსიარულეებზე. ამ დადგენილების დარღვევის შემთხვევაში გათვალისწინებულია ჯარიმა 2 000 ლარის ოდენობით.

საქართველოს ეროვნული ნაკრები ჩრდილოეთ მაკედონიის ნაკრებთან დამარცხდა.

ისტორიული მატჩი დინამო არენაზე ჩატარდა და მას კორონავირუსის მიერ გამოწვეული შეზღუდვების გამო, მაყურებელი არ ესწრებოდა.

თამაშამდე ორი დღით ადრე კვარაცხელიას და შენგელიას კორონავირუსი დაუდასტურდათ, მათ თამაშში მონაწილეობა არ მიუღიათ. მატჩს არ ესწრებოდა, ასევე, ჩაკვეტაძე, რომელსაც ტრავმა აქვს მიღებული.

კორონავირუსის შეზღუდვების მიუხედავად, მატჩს გულშემატკივარი ვერა, მაგრამ კალაძე, კობიაშვილი და ფედერაციის სხვა წევრები დაესწრნენ.

ეს თამაში იყო წინაპირობა იმის, რომ პირველად თავის ისტორიაში, საქართველოს ეროვნული ნაკრები ევროპის ჩემპიონატზე გასულიყო და კონტინენტის უძლიერეს გუნდებში მოხვედრილიყო.

გაიგეთ მეტი: