ეროვნული საფეხბურთო ნაკრების მწვრთნელი, ვლადიმერ ვაისი საქართველოს ეროვნული ნაკრების ჩრდილოეთ მაკედონიის ნაკრებთან დამარცხების გამო გულშემატკივრებს ბოდიშს უხდის. მისივე თქმით, თამაშის შედეგზე პასუხისმგებლობას თავად იღებს.

"ვწუხვარ ამ თამაშის გამო და მინდა მოვუბოდიში ყველას, ვინც ელოდა ამ დღეს, გულშემატკივრებს. დავმარცხდით, რა უნდა ვთქვა? გუნდის შედეგზე პასუხისმგებლობა მე მეკისრება, მაგრამ ცხოვრება გრძელდება. ვწუხვარ ყველას წინაშე. ეს იყო წარუმატებელი დღე მთელი საქართველოსთვის", — განაცხადა ვაისიმ მატჩის დასრულების შემდეგ გამართულ პრესკონფერენციაზე.

მატჩისშემდგომ პრესკონფერენციის დროს შეხვედრა პროტესტის ნიშნად დატოვა ორმა გულშემატკივარმა. მათი თქმით, რაც ნახეს საშინელება იყო.

საქართველოს ეროვნული ნაკრები ჩრდილოეთ მაკედონიის ნაკრებთან 12 ნოემბერს ანგარიშით 0:1 დამარცხდა.

ისტორიული მატჩი დინამო არენაზე ჩატარდა და მას კორონავირუსის მიერ გამოწვეული შეზღუდვების გამო, მაყურებელი არ ესწრებოდა.

გაიგეთ მეტი: