შინაგან საქმეთა სამინისტროს ინფორმაციით, რუსთავში ყაჩაღობის საქმეზე 2 პირი დააკავეს. უწყების ცნობით, აღნიშნულმა პირებმა აჭარა ფეის რუსთავის ფილიალის ოპერატორს იარაღის გამოყენების მუქარით 35 000 ლარი გასტაცეს და შემთხვევის ადგილიდან მიიმალნენ.

უწყების ინფორმაციით, პოლილციამ ბრალდებულების პირადი და საცხოვრებელი ბინების ჩხრეკის შედეგად გატაცებული ფული ნივთმტკიცების სახით ამოიღო. მათივე თქმით, ამოღებულია დანაშაულის ჩადენის იარაღი — ხმოვანი პირსტოლეტი.

შსს-ს ცნობით, საქმეზე გამოძიება სისხლის სამართლის კოდექსის 179-ე მუხლის მე-2 და მე-3 ნაწილებით მიმიდანარეობს.