"თავიდან ბოლომდე ქაოსში ვარ, რამის უფლება თუ დამრჩა, მაგასაც ვერ ვხვდები", — აცხადებს მუსიკოსი მიხეილ(მიხაელო) თოდუა. საქალაქო სასამართლოში მისი პროცესი ამ წუთებშიც მიმდინარეობს.

"გათავისუფლების დღიდან პრობაციას ვთხოვე, მოეცათ უფლება, რომ ჩემი საქმიანობით დავკავებულიყავი. პრობაცია დამთანხმდა და შევთანხმდით, რომ ხელშეკრულებასა და მიღება-ჩაბარების აქტს წარვადგენდი ყველა ივნეთის შემდეგ და გაცდენა ჩამეთვლებოდა საპატიოდ. აღმოჩნდა, რომ ამ ერთი წლის განმავლობაში 28 ივენთში მიმიღია მონაწილეობა და ყველა ცნობა, რაც ყველა ჩემი სამსახურიდან მიმიტანია, იგივენაირია, რაც ახლა მივიტანე. აღმოჩნდა, რომ 16 რიცხვში გამოსული პრემიერი განკარგულებით არ მითვლიან 13 რიცხვის ცნობას. ასევე, 17 რიცხვის ივენთსაც. ეს გადაწყვეტილება და ეს მოთხოვნა არის აბსოლუტურად უსაფუძვლო და ვნახოთ, რა გადაწყვეტილებას მიიღებს სასამართლო", — აცხადებს მიხაილო.

მისივე თქმით, მასთან დაკავშირებული პროცესი "ერთი ადამიანის ახირებაა, რომელსაც მოუნდა, ეს ივენთი საპატიოდ არ ჩაეთვალა. საუბარია გირჩის პოლიტიკურ ივენთზე, სადაც მიხაილო უკრავდა.

"მინდა, იმედი მქონდეს, რომ შესაბამის გადაწყვეტილებას მიიღებს. ეს არის ერთი ადამიანის ახირება, რომელსაც მოუნდა, რომ ეს ივენთი არ ჩამეთვალოს საპატიოდ. ვფიქრობ, რა შეიძლება იყოს მიზეზი და ვერ ვპოულობ სხვა მიზეზს, გარდა იმისა, რომ არ დავაბრალო გირჩს.რადგანაც პოლიტიკური საღამო იყო, ვიღაცას არ მოეწონა. სხვა მიზეზი არ არსებობს, აბსურდია. 28 რიცხვში ჩავიბარე შეტყობინება, რომლითაც პრობაცია ითხოვს ჩემს ციხეში დაბრუნებას იმის გამო, რომ დავარღვიე პრემიერის განკარგულება", — აცხადებს ის.

ის "ფორტუნას" უწოდებს გადაწყვეტილებებს იმის თაობაზე, თუ რომელ ივენთს ჩაუთვლის პრობაცია საპატიოდ.

"რანაირად უნდა მივხვდე, ხვალ თუ წავალ სამსახურში, პრობაცია ჩამითვლის თუ არა საპატიოდ. ფორტუნაა. 13-14-ის ივენთზე ჩემ მიერ წარდგენილ საბუთში ეწერა ხმის რეჟისორი. მითხრეს, რომ ხელს გიწყობთ ხელოვნებაში და ხმის რეჟისორის მოვალეობა არაა ხელოვნება. რომ გეწეროს არტ დირექტორი, ჩაგეთვლებოდა საპატიოდო. 28 რიცხვში ჩავიბარე საბუთი, სადაც პრობაცია ჩემს საპატიმროში დაბრუნებას ითხოვს, იქ წერია, რომ გასაჩივრების ვადა არის ერთი თვე", — ამბობს მუსიკოსი.

მიხაილოს განცხადებით, ის ვერ კი ხვდება, რამის უფლება დარჩა თუ არა.

"სასამართლო მაქვს, დაახლოებით, ათი დღის მერე ანუ სასამართლო არც ელოდება ჩემს გასაჩივრებას. ვფიქრობ, რომ აქაც ირღვევა ჩემი უფლება. ზუსტად არ ვიცი, როგორაა კანონმდებლობით, მაგრამ გუშინ გავიგე, რომ დღეს მაქვს სასამართლო, გუშინ გავიგე, რომ ამიყვანეს სახაზინო ადვოკატი, ჩემთვის არავის უკითხავს. თავიდან ბოლომდე ქაოსში ვარ. რამის უფლება თუ დამრჩა, მაგასაც ვერ ვხვდები", ― აცხადებს მიხაილო თოდუა.

პარტია გირჩის ლიდერის, ზურაბ ჯაფარიძის განცხადებით, მუსიკოსის, მიხაილო თოდუას ციხეში დაბრუნების მოთხოვნა "ცალსახად პოლიტიკური" ამბავია. მისი თქმით, მუსიკოსის ციხეში შებრუნება, სწორედ გირჩის ღონისძიების ჩატარების შემდეგ გადაწყვიტეს.

საქალაქო სასამართლოში მისი პროცესი ამ წუთებშიც მიმდინარეობს.

მიხაილო თოდუას თქმით, მას საპატიოდ 13-14 და 17 ოქტომბრის ღონისძიებები არ ჩაუთვალეს — 17 ოქტომბერს მან გირჩის პარტიულ ღონისძიებაზე, ღამის ათი საათის შემდეგ დაუკრა.

გაიგე მეტი: