ოპოზიციური პარტიების ერთობლივ აქციებზე სიტყვით გამოსვლისას ენმ-ს ლიდერმა, ხატია დეკანოძემ განაცხადა, რომ პარტიებს შორის ზღვარი წაიშალა, რადგან მათ უკან საქართველო დგას.

"აქ არიან სხვადასხვა პოლიტიკური პლატფორმის წარმომადგენლები, სხვადასხვა პარტია, რომელთა შორის, ჩვენს შორის დღეს ზღვარი წაიშალა. წაიშალა იმიტომ, რომ ჩვენს უკან ჩვენი სამშობლოა. ჩვენს უკან არიან დაჭერილი, რეპრესირებული ადამიანები", — განაცახდა დეკანოიძემ.

ამ წუთებში პარლამენტის წინ წარსულში ერთმანეთთან დაპირისპირებული ოპოზიციური პარტიები საერთო აქციას მართავენ და არჩევნების შედეგებს აპროტესტებენ.

ოპოზიციური პარტიები არჩევნების შედეგებს არ აღიარებენ და არალეგიტიმურად ცნობენ. ყველა ბარიერგადალახულმა პარტიამ უარი თქვა მეორე ტურში მონაწილეობასა და პარტლამენტის მანდატებზე.

არჩევნების შემდეგ, როცა ოპოზიციამ აქციები დაანონსა, სამთავრობო გუნდი და საკოორდინაციო საბჭოს წევრები უფრო მკაცრად აცხადებენ, რომ აქციები ვირუსის გავრცელების საფრთხეს შეიცავს და მოუწოდებენ მოქალაქეებსა და პოლიტიკურ ლიდერებს დაიცვან წესები.