ამერიკის 42-ე პრეზიდენტმა, ბილ კლინტონმა ჯო ბაიდენსა და კამალა ჰარისს არჩევნებში გამარჯვება მიულოცა.

"ამერიკამ ხმა ამოიღო და დემოკრატიამ მოიგო. ახლა გვყავს არჩეული პრეზიდენტი და ვიცე-პრეზიდენტი, რომლებიც ყველა ჩვენგანის სამსახურში იქნებიან და გაგვაერთიანებენ. ვულოცავ ჯო ბაიდენსა და კამალა ჰარისს მნიშვნელოვან გამარჯვებას", — წერს კლინტონი.

წინასწარი მონაცემებით, ჯო ბაიდენი აშშ-ის 46-ე პრეზიდენტი გახდა, კამალა ჰარისი კი აშშ-ის ისტორიაში პირველი ვიცე-პრეზიდენტი ქალია. ბაიდენს გამარჯვება მიულოცა არაერთმა მსოფლიო ლიდერმა და ის არჩეულ პრეზიდენტად მოიხსენია, ამის ფონზე ტრამპი თავს გამარჯვებულად მიიჩნევს და შედეგებს არ აღიარებს.

დონალდ ტრამპი გახდა პირველი პრეზიდენტი 1992 წლის შემდეგ, რომელიც ამერიკელმა ხალხმა ხელმეორედ აღარ აირჩია.

გაიგეთ მეტი ჯო ბაიდენზე: