მადამ ტუსოს მუზეუმში დონალდ ტრამპის ფიგურას ტანსაცმელი გამოუცვალეს და გოლფის ფორმა ჩააცვეს. ფოტო ტვიტერის გვერდზე გამოქვეყნდა.

"შეიძლება მისმა კამპანიამ მიზანში ვერ გაარტყა, მაგრამ ახლა საყარელი სპორტისთვის მეტი დრო აქვს", — წერია აღწერაში.

CNN-ის ინფორმაციით, ტრამპი გოლფ კლუბში იყო, როდესაც წინასწარი შედეგები გამოცხადდა.

წინასწარი მონაცემებით, ჯო ბაიდენი აშშ-ის 46-ე პრეზიდენტი გახდა. ინფორმაცია ამის შესახებ CNN-მა, BBC-მ და სხვა საერთაშორიო მედიამ თავიანთ მონაცემებზე დაყრდნობით გაავრცელეს.

CNN-ის ინფორმაციით, მას შემდეგ, რა ბაიდენმა გაიგო, რომ წინასწარი მონაცემებით აშშ-ის საპრეზიდენტო არჩევნებში გაიმარჯვა, ჩაინიშნა ბრიფინგი, რომელზეც ის მოსახლეობას მიმართავს.

დონალდ ტრამპი გახდა პირველი პრეზიდენტი 1992 წლის შემდეგ, რომელიც ამერიკელმა ხალხმა ხელმეორედ აღარ აირჩია.

გაიგეთ მეტი ჯო ბაიდენზე: