TV პირველის პირდაპირ ეთერში ჟურნალისტ მარიამ გაფრინდაშვილთან უცხო პირი მივიდა და მისი იძულებით გაყვანა სცადა. ტელეკომპანიის კადრებში ისმის, რომ პირი ამ დროს ამბობს "წამოდი, წამოდი" და არ პასუხობს ჟურნალსიტის კითხვას, ვინ არის.

ინციდენტის დროს მარიამ გაფრინდაშვილი და ნოდარ მელაძე შაბათის ეთერში იყვნენ და ერთ-ერთ სიუჟეტს განიხილავდნენ. ადგილზე მყოფმა პირებმა უცხო პირი ჟურნალისტს ჩამოაშორეს და როგორც კადრებში ჩანს, მან ტერიტორია დატოვა.

როგორც ნოდარ მელაძემ აღნიშნა, ეს პირი მანამდე ტერიტორიაზე მოძრაობდა და მათი გადაცემის ჩაშლა სცადა. მისივე თქმით, ცესკოს ტერიტორიაზე, სადაც მათ პირდაპირი ეთერი ჰქონდათ, ათეულობით პოლიციელია მობილიზებული, თუმცა ამ პირს წასვლის საშუალება მისცეს.

ფოტო: კადრები ვიდეოდან / TV პირველი