პრეზიდენტობის დამოუკიდებელმა კანდიდატმა და რეპერმა კანიე ვესტმა არჩევნებში დამარცხება აღიარა.

"არაუშავს. კანიე 2024", — დაწერა მან მშვიდობის სიმბოლოს ემოჯის თანხლებით.

მოგვიანებით მან ტვიტი წაშალა და მხოლოდ საკუთარი ფოტო და მომდევნო არჩევნების ანონსი დატოვა.

რამდენიმე საათის წინ ვესტმა განაცხადა, რომ 43 წლის ასაკში ამერიკის საპრეზიდენტო არჩევნებში პირველად მისცა ხმა და ისიც საკუთარ თავს.

"დღეს ჩემს ცხოვრებაში პირველად მივეცი ხმა ამერიკის შეერთებული შტატების პრეზიდენტობის კანდიდატს და ეს ის ადამიანია, ვისაც ბოლომდე ვენდობი — ჩემი თავი", — დაწერა მან ტვიტერზე.

ვესტის სახელი მხოლოდ 12 შტატის საარჩევნო უბნების ბიულეტენებშია: არკანზასში, კოლორადოში, აიდაჰოში, აიოვაში, კენტუკიში, ლუიზიანაში, მინესოტაში, მისისიპიში, ოკლაჰომაში, ტენესიში, იუტასა და ვერმოტში.

გაიგეთ მეტი: