გაერთიანებული ოპოზიციის ენმ — ძალა ერთობაშიას წვერმა, თამარ კორძაიამ განაცხადა, რომ დღეს პროკურატურაში ხელმოწერების გაყალბებაზე 20 საჩივარი შეაქვთ.

"საჩივარი შეგვაქვს იმიტომ, რომ შესწორების ოქმებსა და შემაჯამებელ ოქმში არსებული ხელმოწერები, ვიზუალური დათვალიერებითაც კი ნათლად ჩანს, რომ არის გაყალბებული. ჩვენ ვითხოვთ სრულად ბათილობას, იქ, სადაც ბიულეტენი ამოვიდა მეტი, ვიდრე ამომრჩეველთა რაოდენობაა", — განაცხადა თამარ კორძაიამ.

კორძაიას თქმით, ბიულეტენები ხელახლა უნდა გადაითვალოს იქ, სადაც არის შანსი, რომ გადათვლით ზუსტი მონაცემები დადგინდეს.

საქართველოში საპარლამენტო არჩევნები 31 ოქტომბერს ჩატარდა. არჩევნების შედეგების ლეგიტიმურობას უარყოფს ბარიერგადალახული რვავე ოპოზიციური პარტია და 1 ნოემბრიდან, ყოველდღიურად აქციებს მართავს. ოპოზიციური პარტიები პარლამენტში შესვლაზე უარს აცხადებენ და რიგგარეშე არჩევნებს ითხოვენ.