ქართული ოცნების დეპუტატმა, გიორგი კახიანმა განაცხადა, დარწმუნებულია, რომ საბოლოო ჯამში ოპოზიციას პარლამენტში იხილავს.

"არ ვფიქრობ, რომ საპარლამენტო ცხოვრებაში არ მიიღებენ მონაწილეობას. ვფიქრობ, ისინი ძალიან მალე მიხვდებიან, ამ თავისი რადიკალიზმით და გაუაზრებელი ქმედებებით პოლიტიკურ ჩიხში აღმოჩნდებიან და საბოლოო ჯამში დარწმუნებული ვარ, პარლამენტშიც ვიხილავთ", — განაცხადა გიორგი კახიანმა.

საპარლამენტო არჩევნები საქართველოში 31 ოქტომბერს ჩატარდა. ოპოზიციური პარტიები არჩევნების ლეგიტიმაციას ეჭვის ქვეშ აყენებენ, საპარლამენტო მანდატებზე უარს ამბობენ, რიგგარეშ არჩევნებს ითხოვენ და აქციებს მართავენ.