ევროპული საქართველოს შტაბის ხელმძღვანელის, სერგი კაპანაძის განცხადებით, სავარაუდოა, რომ მთავრობა მის ხელთ არსებულ ბერკეტებს გამოიყენებს დაანონსებული აქციის წინააღმდეგ.

"ის ფაქტი, რომ ახლა დაგეგმილია დიდი აქცია და ეს ივანიშვილს აღელვებს, ყველამ კარგად ვიცით. გამოიყენებს თუ არა ამ კრიზისულ ვითარებაში მის ხელთ არსებულ ბერკეტებს, რომელიც უკონტროლო ბერკეტებია, ეს ადვილი გამოსაცნობია — ალბათ კი. ვიცით, რომ მთავრობამ ეს ბერკეტი მიიღო პარლამენტისგან, როცა უნდა გამოიყენებს შეზღუდვებს. ამის პოლიტიკური კრიზისის წინააღმდეგ გამოცნობის საფრთხე არსებობს", — განაცხადა კაპანაძემ.

მისი თქმით, ამ ეპატზე სწორედ ესაა ქვეყნის საფრთხე, რომ ივანიშვილს შეუძლია ნებისმიერი ინსტრუმენტი გამოიყენოს თავისი "პოლიტიკური ტყავის" გადასარჩენად.

ოპოზიციის მხრიდან კვირას, 8 ნოემბერს პარლამენთთან აქციაა დაანონსებული. ოპოზიციური პარტიები არჩევნების შედეგებს აპროტესტებენ. მათი თქმით, არჩევნები გაყალბდა და ცესკოს მიერ გამოცხადებული შედეგები ამომრჩევლის რეალურ არჩევანს არ გამოხატავს. პარტიებმა პარლამენტში მიღებულ მანდატებზე უარი თვეს და შეთანხმებას ხელი დღეს, 3 ნოემბერს მოაწერეს.