ოპოზიციის ერთიანი კანდიდატი ვაკეში, ელენე ხოშტარია ხმის მისაცემად ვაკის მე-12 საარჩევნო უბანზე მივიდა.

"დღეს ძალიან მნიშვნელოვანი დღეა. თითოეული მოქალაქის გადაწყვეტილება განსაზღვრავს ჩვენი ქვეყნის მომავალს. დღის განმავლობაში ფიქსირდება ქართული ოცნების მხრიდან მანიპულაციის მცდელობა: ბიულეტენებზე ორი ნომრის მოხევა, ფულის დარიგების დაუფარავი ფაქტები, ცალკეული ძალადობის ფაქტები. მიუხედავად ამისა, ყველას კარგად უნდა გვესმოდეს, რომ სწორედ მოქალაქეები და მათი აქტიურობა განსაზღვრავს, თუ როგორ განვითარდება ჩვენი ქვეყანა. ჩვენ გვაქვს ძალიან დიდი შანსი რეალური ცვლილებების, რომელთაც იგრძნობს თითოეული მოქალაქე, მაგრამ ამისთვის აუცილებელია, ყველა მივიდეს არჩევნებზე.", — განაცხადა ელენე ხოშტარიამ ჟურნალისტებთან.

ჟურნალისტის კითხვაზე, რას იტყოდა მთავრობის წარმომადგენლების განცხადებებზე, თითქოს ოპოზიცია ქმნის დაძაბულობას, ელენე ხოშტარიამ უპასუხა, რომ "ძალადობა ქართული ოცნების საარჩევნო იარაღია": "ჩვენ გვინახავს ქართული ოცნების არაერთი წევრი, საკრებულოს წევრები, რომლებიც ამაში იღებენ მონაწილეობას, მაგრამ ყველა მოქალაქეს, პოლიტიკოსს, აქტივისტს, მხარდამჭერებს, ყველას მოვუწოდებ, არ მივცეთ ქართულ ოცნებას ძალადობრივი სცენარის განვითარების შესაძლებლობა. მშვიდობიანად, უსაფრთხოდ მივიდეთ, მივცეთ ხმა და ურნასთან გადავწყვიტოთ ჩვენი ბედი და არა ისე, როგორც ეს ბიძინა ივანიშვილს უნდა".

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: