რამდენიმე წუთის წინ, პარლამენტარმა დავით ბაქრაძემ განაცხადა, რომ ნაციონალური მოძრაობა გაიყოფა.

მის შემდეგ, სიტყვის გამოვიდა გიგი უგულავა, რომელმაც ციხე რამდენიმე დღის წინ დატოვა.

უგულავას თქმით, ნაციონალურ მოძრაობაში ის ვითარება დახვდა, როცა პარტიის ერთიანობა შეუძლებელი იყო:

"ძალიან მძიმე სურათი დამხვდა და თუ რამე იმედი იყო, რომ პარტიის ერთიანობა შენარჩუნებულიყო, მე მაქსიმუმს დავდებდი და ყველაფერს გავაკეთებდი ამისთვის. ნაციონალური მოძრაობა მიხეილ სააკაშილს არ შეუქმნია, მართალია ის იყო ამ პარტიის თავჯდომარე, დაარსების დღიდან, მაგრამ ეს პარტია შექმნა ძალიან ბევრმა თავისუფალმა, ძლიერმა ადამიანმა. ეს პარტია შექმნა დიახ ბევრმა თავზეხელაღებულმა იმიტომ რომ დღეს ებრძოლო ივანიშვილს, რომელსაც 5 მილიარდი აქვს და მთელი სახელმწიფო აპარატი უზის ჯიბეში, უნდა იყო თავზეხელაღებული".