საქართველოს პრემიერმინისტრი, გიორგი გახარია გორთან მომხდარ ავტოსაგზაო შემთხვევის შედეგად დაღუპულთა ოჯახებს უსამძიმრებს.

"ხაზგასმით მინდა მივუსამძიმრო ზუგდიდს, ხობს, ჩხოროწყუს. ჩვენ არ გვყავს დასაკარგი ჩვენი მოქალაქეები", — განაცხადა გიორგი გახარიამ.

მისივე თქმით, ექიმები ყველაფერს აკეთებენ იმისთვის, რომ ავტოსაგზაო შემთხვევის შედეგად დაშავებული მოქალაქეების სიცოცხლე გადაარჩინონ.

ავტოავარია გორის ავტობანზე გუშინ, 29 ოქტომბერს მოხდა. თურქული სანომრე ნიშნების მქონე ტრაილერი მიკროავტობუსს დაეჯახა, გარდაიცვალა5 ადამიანი.

შინაგან საქმეთა სამინისტროს ინფორმაციით, შემთხვევის შედეგად 11-მა ადამიანმა სხვადასხვა ხარისხის სხეულის დაზიანება მიიღო.

უწყების ცნობით, საქმეზე გამოძიება საქართველოს სისხლის სამართლის კოდექსის 276-ე მუხლის მე-8 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.