ევროპული საქართველოს საარჩევნო შტაბის ხელმძღვანელი, სერგი კაპანაძე, კელი დეგნანის, განცხადებას ეხმაურება იმის შესახებ, რომ ქართველი ხალხი იმსახურებს ხმა მისცენ დემოკრატიულ და სამართლიან არჩევნებში.

კაპანაძის თქმით, ეს არის გზავნილი ხელისუფლების მიმართ, რომ ხელის არ წაუცდეს ისეთი ინსტრუმენტების გამოყენებაზე, რაც ეჭქვეშ დააყენებს არჩევნების შედეგებს.

"კელი დეგნანის ეს განცხადება ეხება ყველა პოლიტიკურ პარტიას, მაგრამ, იგულისხმება სწორედ ხელისუფლება, რადგან სწორედ ხელისუფლება და ქართული ოცნებაა ის პოლიტიკური ძალა, რომელიც იყენებს უკანონო მეთოდებს, იყენებს ძალადობას, იყენებს მოსყიდვას. ამით ოპოზიციური პარტიები დაკავებულები არ არიან. ევროპული საქართველო, ნამდვილად, ამაში შემჩნეული არ ყოფილა და ეს არის ძალიან ნათელი გზავნილი ხელისუფლების მიმართ, ქართული ოცნების მიმართ, რომ დარჩენილ დღეებში, ისევე როგორც არჩევნების დღეს, ხელი არ წაუცდეს და არ გამოიყენოს ისეთი ინსტრუმენტები, რომელიც ეჭქვეშ დააყენებს არჩევნების შედეგებს", — განაცხადა კაპანაძემ.