ქართული ოცნების აღმასრულებელმა მდივანმა, ირაკლი კობახიძემ განაცხადა, რომ "რადიკალური ოპოზიცია" Deepfake-ის გამოყენებით მასალებს ამზადებს, რაც, შესაძლოა, არჩევნების წინა დღეს ან არჩევნების დღეს გაავრცელონ.

"გვაქვს ინფორმაცია, რომ რადიკალური ოპოზიციის წარმომადგენლები ამზადებენ მასალებს, ისეთი პროგრამის გამოყენებით, როგორიცაა Deepfake. ამგვარი პროგრამების მეშვეობით, ადამიანის ვიდეოგამოსახულების გაყალბებაც კი არის შესაძლებელი. ამგვარი მასალები სოციალურ ქსელებში შეიძლება განთავსდეს არჩევნების წინა დღეს ან არჩევნების დღეს, რასაც ამომრჩეველი განსაკუთრებული ყურადღებით უნდა მოეკიდოს", — განაცხადა კობახიძემ.

კობახიძის თქმით, აქვთ ინფორმაცია, რომ ამ პროგრამის გამოყენებით არის დაგეგმილი გარკვეული მასალების მომზადება, მიზანი კი დეზინფორმაციის გავრცელებაა.

გაიგეთ მეტი: