საქართველოს იუსტიციის სამინისტრომ 2016 წელს თანამშრომლების პრემიებსა და დანამატებზე 1 553 490 ლარი დახარჯა. ეს ინფორმაცია საქართველოს იუსტიციის სამინისტროს ვებგვერდზეა ხელმისაწვდომი.

2016 წელს იუსტიციის სამინისტროს თანამშრომლების შრომით ანაზღაურებაზე სულ 4 141 599 ლარი დაიხარჯა. აქედან 37,5% პრემიებსა და დანამატებზე მოდის, დარჩენილი 62,5% - 2 588 108 ლარი კი თანამდებობრივ სარგოზე. თანამშრომლებისთვის შრომითი ანაზღაურების სახით ყველაზე მეტი - 1 164 745 ლარი მესამე კვარტალში (ივლისი-სექტემბერი) გაიცა, ყველაზე ცოტა - 843 018 ლარი კი პირველში (იანვარი-მარტი).

დახარჯული თანხიდან 75 ათასი ლარი მინისტრის, თეა წულუკიანის ანაზღაურებაა, საიდანაც 42 480 ლარი თანამდებობრივი სარგოა, დანამატი კი 32 520 ლარი. წულუკიანის დანამატზე ნაკლები პრემია ერგოთ მის 5 მოადგილეს ჯამში - 27 660 ლარი, თანამდებობრივი სარგო კი - 313 582 ლარი ჰქონდათ. მინისტრის 5 მოადგილიდან 1-ს ხელფასი მხოლოდ დეკემბერში და ისიც 742 ლარის ოდენობით.

თანამდებობის სხვა პირებზე თანამდებობრივი სარგო 2016 წელს 817 751 ლარი იყო, პრემიასა და დანამატის სახით კი თანამდებობრივი სარგოს თითქმის 90 პროცენტის ოდენობით მიიღეს შემოსავალი, რაც ჯამში 726 301 ლარია. სამინისტროს სხვა თანამშრომლებმა თანამდებობრივი სარგოს სახით ჯამში 1 414 295 ლარი მიიღეს, პრემიისა და დანამატის სახით კი თანამდებობრივი სარგოს თითქმის 55 პროცენტი - 767 010 ლარი.

იუსტიციის სამინისტროში გაცემული პრემიები, 2016 წელი

ფოტო: On.ge