ევროპული საქართველოს საარჩევნო შტაბის ხელმძღვანელი, სერგი კაპანაძე, ქართული ოცნების ხელისუფლების მმართველობას აფასებს.

კაპანაძის თქმით, არცერთ სფეროში — არც პანდემიის მართვაში, არც ეკონომიკაში, არც სასამართლო სისტემაში, არც მედიათავისუფლებაში, არც სხვა სფეროებში ქვეყანა 8 წლის მანძილზე არ განვითარებულა.

"რა არის ერთი მიზეზი, რის გამოც ოცნებას მხარს უჭერთ და უნდა დარჩეს ხელისუფლებაში?

— პანდემია დაძლიეს? ვერა. აუფეთქდათ;

— ეკონომიკა გააჯანსაღეს? ვერა. მინიმუმ 5 პროცენტიანი ვარდნა წელს (ალბათ, 10-ც) და ძალიან დაბალი ზრდა მთელი 8 წელი;

— სიღარიბე დაძლიეს? ვერა. 800 000-ზე მეტი ღარიბი და რამდენიმე ასეთული ათასი, ვინც
დღეში 3 ლარზე ცხოვრობს;

— უმუშევრობა დაძლიეს? მარტო 2016-2019 წლებში 45 ათასი სამუშაო ადგილი დაკარგეს
კერძო სექტორში და კიდევ ასი ათასი დაუმატეს წელს;

— სასამართლო გახადეს დამოუკიდებელი? ვერა. კლანი და იგივე კორუმპირებული და დამოკიდებული მოსამართლეები;

— დემოკრატია გააძლიერეს? თითქმის ყველა პოლიტიკური ოპონენტი დაიჭირეს, ან
გაასამართლეს;

— მედია გახდა უფრო თავისუფალი? არა. შეხედეთ იმედს და პოსტ-ტვ-ს და მიხვდებით რა საბჭოთა კავშირსაც ქადაგებენ;

— უსამართლობა დაძლიეს? არა. ივერი მელაშვილი და ნატალია ილიჩოვა, სხვებს აღარც
ჩამოვთვლით;

— დასავლეთთან ინტეგრაცია წაწიეს წინ? არა. გახსოვთ რამდენი გვაკრიტიკეს მთელი ერთი
წელი ჩვენმა უახლოესმა პარტნიორებმა?

— რუსეთთან ურთიერთობები მოაწესრიგეს? არა. ისევე ვკარგავთ ტერიტორიებს, ოღონდ
სანაცვლოდ გავრილოვი ჩამოიყვანეს და პრორუსული ძალები გააძლიერეს;

ანგაჟირებული ვარ, ვიცი, მაგრამ, ერთი სფერო მითხარით, რის გამოც ეს ჩაფლავებული ხელისუფლება დარჩენას იმსახურებს, მხოლოდ ერთი", — აცხადებს კაპანაძე.