ამიერიდან, საქართველოში ყველაზე დიდი სტარტაპ მარკეტის პარტნიორ მეწარმეებს შეეძლებათ მიიღონ განსაკუთრებული პირობები ბუღალტრულ, საგადასახადო და იურიდიულ მომსახურებაზე. ისინი მიიღებენ სრულყოფილ ბუღალტრულ აღრიცხვას და პროგრამულ უზრუნველყოფას. იურიდიულ მომსახურებას ბიზნეს სამართლის თვალსაზრისით და საგადახადო კონსალტინგს. სამივე ცალკეულ შემთხვევაში კომპანია სტარტაპერებს პირველი თვის განმავლობაში უფასოდ მოემსახურება, ხოლო, შემდეგ პერიოდში სპეციალური პირობებით და მომსახურების ღირებულებით. Loialte საქართველოში შექმნილი აუდიტორული და საკონსულტაციო კომპანიაა, რომელიც მომხმარებელს მრავალფეროვან პროფესიულ სერვისებს სთავაზობს.

სტარტაპერებს, ასევე, სპეციალური პირობებით შეეძლებათ ისარგებლონ Loialte-ს სხვა სერვისებით, მათ შორის, HR Loialte, რაც დაეხმარება სტარტაპერებს ადამიანური რესურსების მოძიებასა და მართვაში. Mystartap-ის მეწარმეებს შეეძლებათ შეუზღუდავი რაოდენობით მიიღონ უფასო კონსულტაცია რეკრუტინგთან დაკავშირებულ თემებზე. ისინი, ასევე, ფასდაკლებით ისარგებლებენ Loialte-ს საგანმანათლებლო ცენტრით (erudio), სადაც ტრენინგების და სასწავლო კურსების მრავალფეროვანი არჩევანია.

"Loialte-ეს შეთავაზება კიდევ ერთი შესანიშნავი შესაძლებლობაა, რომელიც პლატფორმის მეგობრებს დაეხმარება განავითარონ თავიანთი წამოწყება და მიიღონ პროფესიონალური მომსახურება სპეციალური პირობებით", — განაცხადა ნიკა ჩილინდრიშვილმა, Mystartup-ის პროდუქტის ხელმძღვანელმა.

Mystartup სტარტაპებისთვის სამუშაო პროცესების და ონლაინ გაყიდვების გამარტივების მიზნით, სტარტაპერმა და MY.GE-მ შექმნეს. ეს არის დამატებითი გაყიდვების არხი სტარტაპერებისთვის, რომელიც ბევრ საკითხზე ახალბედა ბიზნესმენების მაგივრად ზრუნავს: აგვარებს ლოჯისტიკურ პრობლემას, უზოგავს ადმინისტრაციულ ხარჯებს და სთავაზობს მათ სწორ აუდიტორიასთან წვდომას. ამჟამად პლატფორმით 100-მდე მეწარმე სარგებლობს.

გაიგე რა გჭირდება შენი სტარტაპისთვის