ოზურგეთის საბავშვო ბაღებში მოწამლული ბავშვების რიცხვი გაიზრდა. ამ დროისთვის სულ 83 ბავშვია მოწამლული, მათგან 3 ოზურგეთის კლინიკაშია მოთავსებული, 1 კი ბათუმის საავადმყოფოში.

On.ge-ს განახლებული ინფორმაცია ოზურგეთის მუნიციპალიტეტის გამგეობაში დაუდასტურეს.

ოზურგეთის მუნიციპალიტეტის საბავშვო ბაღებში მოწამვლის ფაქტი პარასკევს, საღამოს დაფიქსირდა. აღნიშნულის შესახებ ინფორმირებულია სურსათის ეროვნული სააგენტო, სადაც საკვები პროდუქტის ნიმუშებზე კვლევა მიმდინარეობს.

დაავადებათა კონტროლისა და საზოგადოებრივი ჯანმრთელობის ეროვნულ ცენტრში კი განაცხადეს, რომ ლაბორატორიული კვლევის შედეგები ხვალისთვის გახდება ცნობილი.

ამავე თემაზე:

ოზურგეთის მუნიციპალიტეტის 11 ბაღში 70 ბავშვი მოიწამლა, სასწავლო პროცესი შეწყვეტილია