გიგი უგულავა პატიმრობიდან გათავისუფლდება. ის ციხეს უახლოეს დღეებში დატოვებს, თუმცა მისი ადვოკატი ბექა ბასილაია ვარაუდობს, რომ გიგი უგულავამ ციხე შესაძლოა დღესაც დატოვოს.

სააპელაციო სასამართლომ თბილისის ყოფილ მერს პატიმრობის ვადა შეუმცირა. გადაწყვეტილება მოსამართლემ ცოტა ხნის წინ გამოაცხადა, რაც 1 წელსა და 9 თვეს შეადგენს.

ბასილაიას თქმით, თბილისის ყოფილ მერს პატიმრობის აღნიშნული ვადა უკვე მოხდილი აქვს.

"თბილსერვის ჯგუფის საქმეში გიგი უგულავას სააპელაციო სასამართლომ გაფლანგვის ბრალდება მოუხსნა და დაუტოვა სამსახურეობრივი უფლებამოსილების გადამეტება, სასამართლომ მას სასჯელის სახით დაუნიშნა 1 წელი და 9 თვე, საიდანაც 1/4 აკლდება საქართველოს ამნისტიის შესახებ კანონის შესაბამისად, ანუ რჩება 1 წელი, 3 თვე და 22 დღე მოსახდელი, გიგი სასჯელს იხდის 2015 წლის 18 სექტემბრიდან, თუმცა მანამდე ის უკანონო პატიმრობაში იმყოფებოდა 9 თვეზე მეტი ხნის ვადით, ამ რიცხვიდან სასჯელის ვადა ჩვენი დათვლით გადის 9 იანვარს" - ამბობს გიგი უგულავას ადვოკატი ბექა ბასილაია.