პოლონეთის ქალაქ ოსიაში მომხდარი ფიზიკური დაპირისპირების შედეგად საქართველოს მოქალაქე დაიღუპა. პოლონური მედიის ინფორმაციით, ინციდენტი ბენზინგასამართ სადგურზე მოხდა. გაზეტა პრომორსკას ცნობით, საქმეზე ერთი ადამიანი უკვე დააკავეს.

საქართველოს საგარეო საქმეთა სამინისტროში On.ge-ს განუცხადეს, რომ შემთხვევასთან დაკავშირებით საკონსულო ინფორმირებულია. მათივე თქმით, გამოძიება მიმდინარეობს და პოლონეთში საქართველოს საკონსულო ადგილობრივ სამართალდამცავებთანაც კავშირზეა.

მთავარი არხს გარდაცვლილის ახლობლებმა უთხრეს, რომ დაღუპული 44 წლის კაცი ქუთაისიდან იყო და ის ერთ-ერთ ქარხანაში მუშაობდა.