UEFA-ს 2020 წლის ევროპის ჩემპიონატის საკვალიფიკაციო ეტაპის პლეი-ოფის ნახევარფინალურ მატჩზე საქართველოს ეროვნულმა ნაკრებმა ბელარუსი ანგარიშით 1:0 დაამარცხა.

ანგარიში მე-7 წუთზე საქართველოს ნაკრების თავდამსხმელმა, თორნიკე ოქრიაშვილმა გახსნა.

პანდემიით გამოწვეული შეზღუდვების გამო, მაყურებელი თამაშს ვერ დაესწრო. გულშემატკივრები ნაკრების მხარდასაჭერად დინამო არენასთან იყვნენ შეკრებილი და თამაშს ეკრანზე ადევნებდნენ თვალს. მატჩი დღეს, 8 ოქტომბერს დინამო არენაზე გაიმართა.