ევროპული საქართველოს ზუგდიდის მაჟორიტარობის კანდიდატი, გიგი უგულავა დავით გარეჯის საქმეზე კომისიის წევრების დაკავებასთან წინასაარჩევნო პიარს უკავშირებს. მისი თქმით, ეს არის წინასაარჩევნო პიარისათვის გათვლილი პროპაგანდისტული საქმიანობა, რომელიც კატასტროფულად ეწინააღმდეგება საქართველოს ეროვნულ ინტერესებს და ნიშნავს იმას, თუ როგორი "პროვინციული დეგენერატიზმი" სუფევს ხელისუფლებაში.

"თავიდან ბოლომდე ეს არის წინასაარჩევნო პიარისათვის გათვლილი პროპაგანდისტული საქმიანობა, რაშიც პროკურატურა ხშირად მონაწილეობს. თვალწინ მიდგას შოთაძე როგორ იძლევა ჩვენებას მაგისტრი მოსამართლის წინაშე, თუ როგორ ავალებდა ამ ბოდვებს ივანიშვილი", — განაცხადა უგულავამ.

უგულავას თქმით, რადგანაც რეგიონში მიდის ომი, ნებისმიერი ქმედება ან არასწორი გამოხედვაც კი შეიძლება იყოს აღქმული როგორც მხარის დაკავება.

დღეს პროკურატურამ ინფორმაცია გაავრცელა, რომ აზერბაიჯანთან საზღვრის შეთანხმების საქმეზე სახელმწიფო კომისიის ყოფილი წევრები, ივერი მელაშვილი და ნატალია ილიჩოვა დააკავეს.

გაიგეთ მეტი: