ედი ვან ჰალენი, რომლის ინოვაციურმა და ფეთქებადმა გიტარის სტილმა მძიმე როკ-ჯგუფი Van Halen ორი ათწლეულის განმავლობაში ალბომების ჩარტების მოწინავე პოზიციებზე განამტკიცა, გუშინ დილით, 6 ოქტომბერს, კიბოსთან ხანგრძლივი ბრძოლის შემდეგ გარდაიცვალა.

ეს ამბავი ვან ჰალენის შვილმა ვოლფმა გამოაცხადა ტვიტერზე:

"ის საუკეთესო მამა იყო, რომელზეც ოდესმე ვიოცნებებდი. ყოველი წამი, რომელიც მასთან სცენაზე ან სცენის მიღმა გავატარე, ნამდვილი საჩუქარი იყო. გული მიმძიმს და არ მგონია, რომ ამ ტკივილს ოდესმე მოვიშუშებ", — დატვიტა ვოლფ ვან ჰალენმა.

ედი ვან ჰალენმა და მისმა ძმამ, ალექს ვან ჰალენმა, თინეიჯერობისას დაიწყეს ერთად დაკვრა, დევიდ ლი როთთან შეხვედრის შემდეგ კი Van Halen-ად იქცნენ. ოთხი ათწლეულის განმავლობაში ჯგუფმა 10-ზე მეტი ალბომის გამოსცა, ედის გიტარის ჯადოსნურობამ კი Van Halen სამუდამოდ უკვდავყო როკ-მუსიკის ისტორიაში.