მაშველებმა ხელვაჩაურში, მეწყერში მოყოლილი მეოთხე გარდაცვლილი იპოვეს. ამის შესახებ ინფორმაცია, On.ge-ის საგანგებო სიტუაციების მართვის სამსახურში დაუდასტურეს.

უწყების ინფორმაციით, 120 მეხანძრე-მაშველი და მძიმე ტექნიკა დაახლოებით 40 000 ტონა მეწყრულ მასაში მოყოლილ მოქალაქეების საძიებო სამუშაოებს 24-საათიან, უწყვეტ რეჟიმში განაგრძობენ.

სამაშველო სამსახურის თანამშრომლები ამდრომდე გაუჩინარებულ არასრულწოვანს ეძებენ.

ცოტახნის წინ მაშველებმა, გარდაცვლილი ქალი, ავტომობილი და ორი მამაკაცის ცხედარი იპოვეს.

გუშინ ღამით, ხელვაჩაურში მეწყერმა ერთი სახლი წაიღო, სადაც იმყოფებოდნენ მოქალაქეები. სავარაუდოდ, სახლში 5 ადამიანი იყო, მათ შორის არასრულწლოვანი. ასევე, მიწის მასამ გზაზე მდგომი მანქანა მოიყოლა, სადაც სტუმრად მყოფი ორი ახალგაზრდა იჯდა.