86 დღიანი პატიმრობის შემდეგ, სოფელ მეჯვრისხევის მცხოვრები, ხვიჩა მღებრიშვილი გათავისუფლეს. ის ქართულ მხარეს უკვე გადასცეს.

სახელმწიფო უსაფრთხოების სამსახურის საინფორმაციო-ანალიტიკური დეპარტამენტის დირექტორის მოადგილემ, ირაკლი ანთაძემ გუშინ, 24 სექტემბერს ინციდენტების პრევენციისა და მათზე რეაგირების მექანიზმის (IPRM) რიგით 97-ე შეხვედრის დასრულების შემდეგ განაცხადა, რომ მღებრიშვილის გათავისუფლებას დღეს ელოდებოდნენ.

მღებრიშვილი ოკუპირებული ცხინვალის დე ფაქტო პროკურატურის მიერ ე.წ. საზღვრის უკანონო კვეთასა და ცხინვალის რეგიონიდან ღამურების გატანის მცდელობის ბრალდებით იყო დაკავებული. ანთაძის თქმით, სხვა უკანონოდ დაკავებულების გასათავისუფლებლად მუშაობა გრძელდება.