გლდანის მე-8 პენიტენციური დაწესებულების უფროსს, ნოდარ ქინქლაძეს პატიმარი გაუპატიურების მუქარაში სდებს ბრალს. როგორც პატიმრის ადვოკატმა, ალექსანდრე კობაიძემ On.ge-ს გაუნცხადა, მისი დაცვის ქვეშ მყოფსა და ციხის უფროსს შორის დაპირისპირება ციხეში ჩაის მოთხოვნას მოჰყვა.

"რა ჩაი მომინდომეთო და აქედან დაიწყო ინციდენტი. ჩემი დაცვის ქვეშ მყოფს დაემუქრა ციხის უფროსი გაუპატიურებით და ილანძღებოდა. იყო ნასვამ მდგომარეობაში. მატრასიც არ მიუტანეს პატიმარს და იატაკზე წევს დღემდე. ასე სჯიან", — აცხადებს ადვოკატი და მოძრაობა შემახე ამნისტიის ხელმძღვანელი, ალექსანდრე კობაიძე.

მისივე თქმით, პატიმარი 2 დღის განმავლობაში შიმშილობდა. დღეს მისი დაცვის ქვეშ მყოფის ოჯახის წევრები და მოძრაობა შემახე ამნისტიის წარმომადგენლები გლდანის ციხესთან საპროტესტო აქციას გამართავენ და ციხის უფროსის სამართლებრივი პასუხისმგებლობის დაყენებას მოითხოვენ.