განათლების მინისტრის, მიხეილ ჩხენკელის განცხადებით, თუ მშობელს აქვს სურვილი მოსწავლემ სწავლა გააგრძელოს დისტანციურ ფორმატში, ეს ნებადართული იქნება.

"იმ სკოლებში, სადაც დისტანციურიდან გადავდივართ საკლასო ოთახებში, თუ მშობლები ჩათვლიან რომ ურჩევნიათ, ბავშვმა გააგრძელოს დისტანციურად, ეს პროცესი სკოლების მიერ იქნება უზრუნველყოფილი", — განაცხადა მან.

მისივე თქმით, დეტალური ინფორმაცია განთავსდება სამინისტროს ვებგვერდზე, მოსწავლეთა მშობლებს დაუკავშირდებიან და ისინი შელებენ რეგისტრაციას.

პირველ ოქტომბერს ქალაქების ნაწილში სწავლა საკლასო ოთახებში აღდგება, თუმცა სხვადასხვა პრინციპით. კერძოდ, თბილისში, ქუთაისში, რუსთავსა და ზუგდიდში საკლასო ოთახებში სწავლა აღდგება მხოლოდ პირველიდან მეექვსე კლასის ჩათვლით მოსწავლეებისთვის. ფოთსა და გორში კი ყველასთვის, პირველიდან მეთორმეტე კლასის ჩათვლით. რაც შეეხება აჭარის რეგიონს სწავლა კვლავ დისტანციურად გაგრძელდება.

ამავე თემაზე: