ლაგოდეხში 3 თვის ბავშვს კორონავირუსი დაუდასტურდა. წყარო ოჯახია, რომელსაც კონტაქტი ინფიცირებულ პირთან ჰქონდა. ბავშვი გვიან ღამით მაღალი სიცხით მიიყვანეს კლინიკაში, საიდანაც ცხელების ცენტრში მოათავსეს.

ლაგოდეხის მუნიციპალიტეტის ჯანდაცვის სამსახურის ხელმძღვანელის, ნუნუ ნოზაძის თქმით, ჩვილი თბილისშია გადაყვანილი.

მისივე ცნობით, მშობლებში ვირუსი უსიმპტომოდ მიმდინარეობდა. ნუნუ ნოზაძის თქმით, ამ დროისთვის უკვე დადგენილია და ტესტი ჩაუტარდა ყველა კონტაქტს.