ონლაინ გამოცემა ლიბერალის ინფორმაციით, ტელეკომპანია იმედი GDS TV-სა და მაესტროს ყიდულობს. ამ საკითხთან დაკავშირებით On.ge ტელეკომპანია მაესტროს 15 პროცენტიანი წილის მფლობელს, მამუკა ღლონტს დაუკავშირდა.

ღლონტმა On.ge-ს უთხრა, რომ დიდი ხანია ის ამ საკითხზე საუბრობს და შესაბამისად, არ უკვირს რომ ასე ხდება.

მისი შეფასებით, ყალიბდება ორი ფლანგი, ერთი ნაციონალური მოძრაობის, მეორე კი ქართული ოცნების მხარდამჭერი და კონტროლირებადი.

On.ge ცდილობს სხვა წყროებისგანაც მიიღოს ინფორმაცია. ამ დროისთვის ვერ ხერხდება ტელეკომპანია GDS-ისა და იმედის წარმომადგენლებთან დაკავშირება. On.ge საკუთარი წყაროს საშუალებითაც ფლობს ინფორმაციას სამი ტელევიზიის ერთ ჰოლდინგად ჩამოყალიბების შესახებ, თუმცა, ამ ეტაპზე ინფორმაციის ოფიციალურად გადამოწმება არ შეგვიძლია.