ეკონომიკის მინისტრის, ნათია თურნავას განცხადებით, შესაძლოა, ნოემბერში ან დეკემბერში საბერძნეთთან ავიამიმოსვლა აღდგეს. ამის შესახებ მან რუსთავი 2-ის ეთერში განაცხადა.

როგორც თურნავამ აღნიშნა, მას საბერძნეთის ტურიზმის მინისტრთან შეხვედრა ჰქონდა და დასახეს გეგმა, რომლის მიხედვითაც, ეპიდემიოლოგიური ვითარების გაუმჯობესებასთან ერთად ფრენები აღდგება. მისი თქმით, ფიქრობენ, რომ "ეს უფრო ნოემბერი, დეკემბრის საქმეა".

11 სექტემბერს ცნობილი გახდა, რომ საერთაშორისო რეგულარულ საჰაერო მიმოსვლიაზე დაწესებული შეზღუდვები პირველ ნოემბრამდე გახანგრძლივდა. მოგვიანებით კი პრემიერმინისტრმა აღნიშნა, რომ პირველი ოქტომბრიდან აღდგება WizzAir ერთი მიმართულებით რეგულარულ ფრენებს გაანახლებს. მისივე თქმით, კვირაში ერთი რეისი შესრულდება.

კორონავირუსთან დაკავშირებული უწყებათაშორისი საკოორდინაციო საბჭოს გადაწყვეტილებით, 21 მარტიდან საჰაერო მიმოსვლა სრულად შეწყდა. რამდენიმე თვის განმავლობაში ფრენის უფლება მხოლოდ საქართველოს ავიახაზებს ჰქონდა, რომელიც სპეცრეისებს ასრულებდა.

ამ დროისათვის საქართველოდან რეგულარული ფრენები გერმანიასთან, საფრანგეთთან და ლატვიასთან სრულდება. სხვა ქვეყნებთან სრულდება მხოლოდ ჩარტერული რეისები, რომლებსაც ქვეყნებიდან საქართველოს მოქალაქეები ჩამოჰყავს.