მორაგბე რამაზ ხარაზიშვილის მდგომარეობა სტაბილურია და სავარაუდოდ, ხვალ გაწერენ. ამის შესახებ ინფორმაცია On.ge-ს კავკასიის მედიცინის ცენტრში დაუდასტურეს.

შსს-ს ინფორმაციით, მორაგბის დაჭრის ბრალდებით 16 სექტემბერს რაგბის კავშირის ვიცე-პრეზიდენტი, მერაბ ბესელია დააკავეს.

შსს-ს განცხადებით, საქმეზე გამოძიება საქართველოს სისხლის სამართლის კოდექსის ორი მუხლითაა დაწყებული — 118-ე, რომელიც ჯანმრთელობის განზრახ ნაკლებად მძიმე დაზიანებას და 236-ე, რომელიც ცეცხლსასროლი იარაღის ტარებას გულისხმობს.