BBC-ის ცნობით, სირიის არმიამ ალყაშემორტყმულ ალეპოზე კონტროლი დაიბრუნა. გაეროს ინფორმაციით, ბოლო ერთ კვირაში 34 000-ზე მატმა ადამიანმა დატოვა ქალაქი.

მოსახლეობის ევაკუაცია დასავლეთ ალეპოდან, იდლიბის პროვინციაში განხორციელდა.

როგორც BBC წერს, ეს არის ყველაზე მთავარი გამარჯვება პრეზიდენტ ბაშარ ალ-ასადისთვის, რომელსაც რუსეთის საჰაერო ძალები ეხმარებიან.

ევაკუაციის პროცესი ცეცხლის შეწყვეტის შეთანხმების ნაწილია, რომელიც რუსეთმა და ირანმა დადეს, თუმცა რამდენჯერმე დაარღვიეს.

სირიაში უკვე 5 წელია სისხლისმღვრელი ომი მიმდინარეობს. ასადის რეჟიმს ამბოხებულთა წინააღმდეგ ბრძოლაში ეხმარება რუსეთი და ირანი. სირიაში ერთმანეთს დაუპირისპირდა ქვეყნის შიიტი და სუნიტი მოსახლეობა, ასევე, ქურთები. ქვეყნის მნიშვნელოვანი ნაწილი დაიკავეს ტერორისტებმაც. უფრო დეტალურად სირიაში მიმდინარე მოვლენებზე, შეგიძლიათ წაიკითხოთ On.ge-ს სტატია.