ოკუპირებული აფხაზეთის დე ფაქტო ჯანდაცვის უწყების ცნობით, გუდაუთის კოვიდინფიცირებულთა ჰოსპიტალში 78 წლის პაციენტი გარდაიცვალა. მათივე ცნობით, პაციენტს ორხმხრივი პნევმონია თანმხლები დაავადებების ფონზე აღენიშნებოდა. აფხაზეთში ეს კორონავირუსით ინფიცირებული პაციენტის გარდაცვალების მე-6 შემთხვევაა.

9 სექტემბრის მონაცემებით, დე ფაქტო ჯანდაცვის კორონავირუსისგან დაცვის ოპერატიული შტაბის ინფორმაციით, აფხაზეთში COVID-19-ის 557 შემთხვევა გამოვლინდა, მათ შორის 158 გამოჯანმრთელდა. გუდაუთის კოვიდინფიცირებულთა საავადმყოფოში, ამ დროისათვის 53 ადამიანი მკურნალობს.