ძაღლების თავშესაფრის მფლობელი თამარ ელიზბარაშვილი, უსახსრობის გამო, თავშესაფრის გაჩუქებას აპირებს. როგორც მან On.ge-სთან საუბრისას განაცხადა, პანდემიის შემდეგ საკუთარი ხარჯებით თავშესაფრის ვეღარ ინახავს.

"ჩუქდება თავშესაფარი, 249 ძაღლთან და 4 მურა დათვთან ერთად!!! თავშესაფარი განთავსებულია გრიგოლ ლორთქიფანიძის ქუჩის 9 ნომერში. 2 500 (ორი ათას ხუთასი) კვადრატულ მეტრზე. შენობა-ნაგებობების და მიწის ფართი შეადგენს მილიონ 350 ათას ლარს", — წერს ელიზბარაშვილი ფეისბუქგვერდზე.

გაჩუქების წინაპირობად ელიზბარაშვილი ცხოველების 10 წლით მოვლას ასახელებს. მისი თქმით, გაჩუქების მიზანი არის იქ არსებული ცხოველების გადარჩენა შიმშილით სიკვდილისაგან.

როგორც თამაზ ელიზბარაშვილმა On.ge-სთან საუბრისას აღნიშნა, მნიშვნელობა არ აქვს ვინ იქნება ადამიანი, რომელიც თავშესაფრის მეპატრონე გახდება, მთავრობის წარმომადგენელი, ბიზნესმენი თუ მოქალაქე.