შინაგან საქმეთა სამინისტროს ინფორმაციით, ფოთის სამმართველოს ერთ-ერთ მეხანძრე-მაშველს კორონავირუსი დაუდასტურდა.

მათი თქმით, მეხანძრე-მაშველს კორონავირუსზე ტესტი 4 სექტემბერს ჩაუტარდა და პასუხი დადებითი აღმოჩნდა. მანამდე ამ ადამიანმა 2 კვირით ადრე გაიარა გეგმიური შემოწმება და პასუხი უარყოფითი იყო.

შინაგან საქმეთა სამინისტროს ინფორმაციით, მეხანძრე-მაშველი ცვლაში 6 სექტემბერს მორიგეობდა. ამ დროისთვის, ყველა თანამშრომელი, ვინც ამ დღეს მუშაობდა, გადაყვანილია დაკვირვების ქვეშ და აღებული აქვთ ტესტები. მათივე ინფორმაციით, შენობას ჩაუტარდა სრული დეზინფექცია. ეპიდემიოლოგები აწარმოებენ წყაროს იდენტიფიცირებას და კონტაქტების კვლევას.