თამარ ბაჩალიაშვილის ოჯახის ადვოკატი მიხეილ რამიშვილი ექსპერტიზის შედეგებს ეჭვქვეშ აყენებს. რამიშვილმა განაცხადა, რომ მას ჰქონდა საუბარი ტოქსიკოლოგებთან და ექსპერტიზის დასკვნაში მოცემული ნივთიერებების შეჯამება და მიღება გამოუცდელ ადამიანს არ შეუძლია.

"თავიდანვე თვითმკვლელობის ვერსია დამტკიცებული იყო და [პროკურატურაში] პოზიცია ჰქონდათ, რომ ეს ყველაფერი იყო თვითმკვლელობა. შეიძლება ადამიანს სთხოვო, რომ გზად რომ მოდიხარ, წამომიღე ეს, რაღაც ნივთიერებები.... [შეიძლება] ნივთები დააბარო... სპეციალისტებთან, ტოქსიკოლოგებთან მქონდა საუბარი. ასეთი რაოდენობის გამოყენება ამ ნივთიერების ასეთი შეჯამება და მიღება გამოუცდელ ადამიანს არ შეუძლია", — განაცხადა მიხეილ რამიშვილმა.

დღეს, 4 სექტემბერს პროკურატურამ განაცხადა რომ, ექსპერტიზის დასკვნის თანახმად, გარდაცვლილ თამარ ბაჩალიაშვილის სხეულში აღმოჩნდა სხვადასხვა პრეპარატის შემცველი ნივთიერებები. პროკურორის განცხადებით, მედიკამენტების ოდენობა ასჯერ აღემატება დადგენილ მინიმალურ ლეტალურ ოდენობას.

გაიგე მეტი:

პროკურატურა: ექსპერტიზის დასკვნით, ბაჩალიაშვილის ორგანიზმში აღმოჩნდა სხვადასხვა მედიკამენტის კვალი