იუსტიციის მინისტრის, თეა წულუკიანის თქმით, გამომდინარე იქიდან, ლუგარის ლაბორატორიას რუსული ძალები აკრიტიკებენ, ახლა, როცა იგი კიბერშეტევის მსხვერპლია, "ლეგიტიმური კითხვის ნიშნები" ჩნდება. მისი განცხადებით, გამოძიება ამ კითხვებს მტკიცებულებებზე დაფუძნებულ პასუხს გასცემს.

"ალბათ, უცნაური არ არის, რომ სწორედ ჯანდაცვის სისტემაზე, ლუგარის ლაბორატორიაზე და სწორედ იმ წარმატებულ სისტემაზე ხორციელდება კიბერშეტევა, რომელიც, როგორც ჩანს, ვიღაცას ქვეყნის გარეთ ხელს უშლის და აწუხებს. იმიტომ, რომ წარმატებული საქართველო ვიღაცისთვის მიუღებელია", — ამბობს წულუკიანი.

3 სექტემბერს საქართველოს შინაგან საქმეთა სამინისტრომ გაავრცელა ინფორმაცია, რომ ჯანდაცვის სამინისტროს კომპიუტერულ სისტემაზე უცხო ქვეყნის სპეცსამსახურების მიერ კიბერშეტევა განხორციელდა. უწყებაში აღნიშნეს, რომ მართლსაწინააღმდეგოდ დაეუფლნენ ლუგარის ლაბორატორიის მონაცემებსაც, რაც ამ დროისთვის ერთ-ერთ უცხოურ ვებ-გვერდზე ხელმისაწვდომია. შსს არ აკონკრეტებს, რომელი ქვეყნის სპეცსამსახურებზე საუბრობს.