ბავშვებისთვის ყველაფერი საუკეთესო გვინდა — ეს უნდა იყოს დაცული, უსაფრთხო ადგილი, ჯანსაღი ჰაერი, მშვიდი გარემო და თავისუფალი სივრცეები, სადაც პატარები თამაშს შეძლებენ. საბედნიეროდ, საქართველოს კურორტებს ყველა მოთხოვნის დაკმაყოფილება შეუძლია, სადაც უნდა აპირებდე დასვენებას.

1. კოჯორი

თუ თბილისთან ახლოს დასვენება გადაწყვიტე კოჯორი უკონკურენტოა. გარდა იმისა, რომ კოჯორი ულამაზესია და ბავშვებთან ერთად ტყეში კოცონის დანთებას და თამაშსაც შეძლებ, ის გამორჩეულია სამკურნალო თვისებებით. აქ ზაფხული ზომიერად ცხელია და თბილისთან შედარებით, ნამდვილად მოგცემს ამოსუნთქვის საშუალებას. ასევე მის საკურორტო ღირებულებას ემატება ქარების და სინოტივის ზომოერება. ფართოფოთლოვანი ტყეები, ნაწილობრივ წიწვოვანი და სურნელოვანი ბალახით დაფარული მდელოები განაპირობებს ადგილობრივ კლიმატს და ქმნის შესანიშნავ პორობებს დასვენებისთვის და ჯანმრთელობის მდგომარეობის გაუმჯობესებისთვის.

2. ურეკი

საზღვაო კურორტებს შორის ამ მხრივ ურეკი თვალსაჩინოა. აქაური პლაჟების სამკურნალო თვისებების შესახებ ფართოდ არის ცნობილი და საქართველოს სხვა საზღვაო კურორტებისგან გამორჩეულია მაგნიტური თვისებების მქონე ქვიშით. სასარგებლოა გულ-სისლძარღვთა სისტემის, სუნთქვის ორგანოების და საყრდენ-მამოძრავებელი ორგანოების, ნევროზის სამკურნალოდ. ძირითადი სამკურნალო ფაქტორებია ზღვის ჰავა და სილიანი პლაჟი. ამასთანავე, ურეკში ზღვის სიღრმე დიდ მანძილზე საკმაოდ დაბალია, რაც ბავშვებისთვის უსაფრთხო გარემოს ქმნის.

3. ლიკანი

კურორტი ლიკანი ბორჯომში, ქალაქის უკიდურეს დასავლეთ ნაწილში მდებარეობს. ლიკანის ძირითადი სამკურნალო საშუალება მინერალური წყალია, რომელსაც იყენებენ როგორც სასმელად, ასევე ბალნეოლოგიური სამკურნალო პროცედურებისთვისაც. ლიკანის მინერალურ წყალს ჰიდროკარბონატების, მაგნიუმისა და კალციუმის შემადგენლობის განსაკუთრებული კომბინაცია და ბუნებრივი ნახშირორჟანგა გაზის სიუხვე ახასიათებს, რაც 1500 მეტრის სიღრმიდან ამომავალ წყალს სასიამოვნო სირბილეს ანიჭებს.

4. შოვი

თუ უფრო მაღალი მთებისკენ მიგიწევს გული, შეგიძლია ზემო რაჭისკენ - შოვისკენ გაეშურო. შოვი წიწვოვანი ტყით, ანკარა მდინარით და ცაში აზიდული მყინვარებით გამორჩეული ადგილია ზემო რაჭაში. ის, როგორც კურორტი მეოცე საუკუნის 30-იან წლებში მოეწყო და გამორჩეულია სილამაზითა და სიმშვიდის განუმეორებელი შეგრძნებით. შოვში არის ნოტიო ჰავა, იცის ცივი ზამთარი და ძალიან გრილი ზაფხული. ხოლო, სამკურნალო ფაქტორებს მთის ჰავა და ნახშირმჟავა-ჰიდროკარბონატული ნატრიუმ-კალციუმიანი მინერალური წყაროების წყალი განაპირობებს.

5. ქვიშხეთი

ლიკანის გარდა, ბორჯომის ჰავა კიდევ ერთ გამორჩეულ კურორტს ქმნის. მართალია, ქვიშხეთი ხაშურის მუნიპალიტეტში მდებარეობს, თუმცა ბორჯომის ჯგუფის კურორტად მიიჩნევა. ქვიშხეთს ახასიათებს უნიკალური სამკურნალო თვისებები, რაც შავი ზღვიდან წამოსული თბილი ნოტიო ჰაერის მასებისა და მთის ჰავის შერწყმა განაპირობებს. აქ ასევე მოედინება სამკურნალო თვისებების მინერალური წყლები. ხოლო, წიწვოვანი და შერეული ტყეები, მთები და უმშვენიერესი ხედები შესანიშნავ პირობებს ქმნის ბავშვებთან ერთად დასასვენებლად.

მთაში, ბარში თუ ზღვაზე, მთელი საქართველოს მასშტაბით შეგიძლია მარტივად ნახო საშენო დასასვენებელი სახლი rent.myhome.ge-ზე. ახალი პლატფორმის მეშვეობით ონლაინ დაჯავშნით შენთვის სასურველ ნებისმიერი ტიპის ქონებას, ეს იქნება ბინა, სახლი სასტუმრო თუ კოტეჯი და ვებგვერდიდან გაუსვლელად მიიღებ ინფორმაციას სხვა დამატებითი სერვისების შესახებ. Visa-ს ბარათით დაჯავშნისას კი გადახდილი თანხის 20% ანგარიშზე დაგიბრუნდება.