შიდსის ცენტრის ინფორმაციით, მიმდინარე წელს საქართველოში აივ ინფიცირების 372 ახალი შემთხვევა გამოვლინდა, მაშინ, როცა შარშან, იმავე პერიოდში 449 ახალი შემთხვევა იყო.

ცენტრის მონაცემებით, 2020 წლის 2 სექტემბერს საქართველოში 8 474 აივ ინფიცირებული პირია რეგისტრირებული. მათ შორის, 6 326 კაცი და 2 148 ქალი. პაციენტთა უმრავლესობა 29-დან 39 წლამდე ასაკისაა. მათგან შიდსი 4 340 პაციენტს განუვითარდა, ხოლო 1 734 გარდაიცვალა.

2 სექტემბრის მონაცემებით, აივ მკურნალობას იტარებს 5 220 პაციენტი, რომელთაგან 46 ბავშვია.

რეგისტრირებულ შემთხვევათა განაწილება გადაცემის გზების მიხედვით ასეთია:

  • ნარკოტიკების ინექციური მომხმარებელია — 36,6 % (3107);
  • დაინფიცირდა ჰეტეროსექსუალური კონტაქტის შედეგად — 49,0% (4150);
  • კაცები, რომლებსაც სექსი აქვთ კაცთან — 12,0% (1020);
  • დაინფიცირდა ვერტიკალური გადაცემის გზით — 1,3% (109);
  • სისხლის რეციპიენტია — 0,5% (41);
  • გადაცემის გზა დაუდგენელია — 0,6% (47).

აივ ინფიცირების ყველაზე მეტი შემთხვევა რეგისტრირებულია:

  • თბილისში — 3 148 შემთხვევა, მათგან 87 უცხოეთის მოქალაქეა, 2 დაუდგენელი;
  • სამეგრელოში — 1 165;
  • იმერეთში — 1 017;
  • აჭარაში — 970;
  • აფხაზეთში — 528;
  • კახეთში — 419;
  • ქვემო ქართლში — 485;
  • შიდა ქართლში — 314;
  • გურიაში — 180;
  • სამცხე-ჯავახეთში — 113 და ა.შ.

შიდსის ცენტრის ინფორმაციით, 2020 წელს 99 აივ ინფიცირებული გარდაიცვალა. მათ შორის, 79 კაცი, ხოლო 20 — ქალი.

სულ საქართველოში გამოვლენილია 116 აივ ინფიცირებული ბავშვი. მათ შორის, 70 — ბიჭი, 46 — გოგო. აქედან, 27 გარდაიცვალა, ხოლო 3 ქვეყნიდან გავიდა.

მათი ინფიცირების გზების მიხედვით განაწილება კი ასეთია:

  • ვერტიკალური (დედიდან) გადაცემით — 108 შემთხვევა (მათგან 1 ძუძუთი კვებით);
  • სისხლის რეციპიენტი — 4;
  • დაუდგენელია — 2.