შინაგან საქმეთა სამინისტროს განცხადებით, ჭიათურის მაღაროში მუშის გარდაცვალებაზე გამოძება სისხლის სამართლის კოდექსის 240-ე მუხლით დაიწყო, რაც ელექტრო ან თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესების დარღვევას გულისხმობს.

ჭიათურის პირველადი პროფკავშირული ორგანიზაციის თავმჯდომარის, პაატა სამხარაძის ინფორმაციით, ჭიათურის მაღაროში მუშა 24 აგვისტოს გარდაიცვალა. სამხარაძის თქმით, მაღაროელს ტრაქტორმა სამუშაო პროცესის დროს გადაუარა.