საქართველოს სახელმწიფო მინისტრი შერიგებისა და სამოქალაქო თანასწორობის საკითხებში, თეა ახვლედიანი, ცხინვალის რეგიონში არსებულ უკიდურესად მძიმე ჰუმანიტარულ მდგომარეობასთან და ადამიანის ფუნდამენტური უფლებების უხეშ დარღვევებთან დაკავშირებით ღრმა შეშფოთებას გამოთქვამს.

მინისტრის თქმით, ცხინვალის ციხეში მკვლელობა ნათლად ადასტურებს, რომ წლების განმავლობაში მიმდინარე ოკუპაციის და იმის შედეგად, რომ არაერთ ტრაგიკულ შემთხვევაზე რეჟიმს დღემდე პასუხი არ უგია, სულ უფრო რთულდება ადგილობრივი მაცხოვრებლების უსაფრთხოების და უფლებრივი მდგომარეობა.

ამასთან, მინისტრის აპარატი მოუწოდებს საერთაშორისო პარტნიორებს, განაგრძონ ზეწოლა საოკუპაციო რეჟიმზე, რათა ოკუპირებულ ტერიტორიებზე შეწყდეს ადამიანის უფლებების დარღვევა.

ოკუპირებული ცხინვალში ერთი პირი მილიციაში დაკითხვის დროს ცემით მოკლეს ის დე ფაქტო შინაგან საქმეთა მინისტრის მანქანისთვის ცეცხლის გახსნის ბრალდებით იყო დაკავებული. დე ფაქტო პრეზიდენტმა ბიბილოვმა, ე.წ. შს მინისტრი გადააყენა. ცხინვალში საპროტესტო აქციები იმართება, რომელზეც დე ფაქტო გენერალური პროკურორის გადადგომასაც ითხოვენ.