ასაკისა და გარემოებების გამო წესის აგება ნებადართული უნდა იყოს — საპატრიარქო
![](http://phoebe.on.ge/2020/04/13/90676592_1094208514282839_8734908391282966528_o.jpg)
ფოტო: საპატრიარქო
საქართველოს საპატრიარქო თერჯოლაში გარდაცვლილი 11 წლის მოზარდის წესის აგებასთან დაკავშირებით აცხადებს, რომ ასაკიდან და გარემოებიდან გამომდინარე, მისთვის წესის აგება ნებადართული უნდა იყოს.
ტყიბულისა და თერჯოლის მიტროპოლიტი, მეუფე გიორგი (შალამბერიძე) ამბობს, რომ თერჯოლაში დაღუპულ 11 წლის მოზარდს წესს ვერ აუგებენ, რადგან ამის უფლება არ აქვთ. მისი აზრით, ეს "ღვთის გმობაა". ამის შესახებ მან რუსთავი 2-თან სატელეფონო ინტერვიუში განაცხადა.
საპატრიარქოს თხოვნით მიმართავს დაღუპული ბავშვის ბებია და ამბობს, რომ ბავშვი მორწმუნე იყო და შეიძლება თავი არც მოუკლავს. ის იმედოვნებს, რომ საპატრიარქო გამონაკლისს დაუშვებს.
11 წლის მოზარდის თვითმკვლელობამდე მიყვანის მცდელობით მამაა დაკავებული. ოჯახის წევრები ვარაუდობენ, რომ მამამ ბავშვი ცემისას მოკლა და თვითმკვლელობის ინსცენირება სცადა.
წესის აგების საკითხი სასულიერო პირებმა პრობლემად აქციეს ლუკა სირაძის შემთხვევაში. ისინი ამბობდნენ, რომ გარდაცვლილ 11 წლის ბავშვს წესს ვერ აუგებდნენ, რადგან თვითმკვლელობის შემთხვევაში ამას რელიგიური წესი არ ითვალისწინებს. მოგვიანებით მათ განაცხადეს, რომ პატრიარქის კურთხევით ლუკა სირაძეს წესს აუგებდნენ.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები