იაპონიის პრემიერმინისტრი შინძო აბე ჯანმრთელობის მდგომარეობის გამო თანამდებობიდან გადადგა. მან განაცხადა, რომ არ სურს მისმა მდგომარეობამ გავლენა იქონიოს პოლიტიკურ საქმიანობაზე და იაპონელ ხალხს ბოდიში მოუხადა, რომ ვერ დაასრულა თავისი პრემიერობის ვადა.

"მსურს გულწრფელი ბოდიში მოვუხადო იაპონელ ხალხს, რათა მიწევს პოსტის 1 წლით ადრე დატოვება და ეს ემთხვევა პერიოდს, როდესაც კორონავირუსის პრევენციის ზოგიერთი მექანიზმი კვლავ იმპლემენტაციის პროცესშია", — აცხადებს აბე.

როგორც BBC წერს, შინძო აბეს დიდი ხანია წყლულოვანი კოლიტი აწუხებს, თუმცა ბოლო პერიოდში მდგომარეობა დამძიმდა.

აბემ პრემიერის თანამდებობა მეორედ 2012 წელს დაიკავა და იაპონიის ისტორიაში ყველაზე ხანგრძლივი მმართველია. რეკორდულ ხანგრძლივობას მან ოთხი დღის წინ მიაღწია და პოსტზე 2021 წლის სექტემბრამდე უნდა ყოფილიყო.

აქამდე ლიბერალურ-დემოკრატიულ პარტიაში უარყოფდნენ, რომ პრემიერი გადადგომას აპირებდა და აღნიშნავდნენ, რომ მისი ჯანმრთელობის მდგომარეობა ნორმაშია.

შინძო აბემ პრემიერის პოსტის პირველად 2006 წელს დაიკავა, თუმცა ერთი წლის თავზე კვლავ ჯანმრთელობის მდგომარეობის გამო ვადაზე ადრე გადადგა.