სტრატეგია აღმაშენებლის გუნდის სახელით, გიორგი გაშაძე გუშინ, 23 აგვიტოს, შატილის გზაზე მომხდარი ავტოსაგზაო შემთხვევის გამო მწუხარებას გამოთქვამს. შინაგან საქმეთა სამინისტროს ცნობით, ავტოავარიას 17 ადამიანის სიცოცხლე ემსხვერპლა, სამი მძიმედ დაშავდა.

"ასეთ დროს არ არსებობს სიტყვები, რომლებიც ამ ადამიანების ოჯახებსა და ახლობლებს ტკივილს შეუმსუბუქებს, თუმცა გეტყვით რომ მხნედ უნდა იდგეთ. ეს არის სრულიად საქართველოს ტრაგედია. მთელი გულით ვუსამძიმრებ გარდაცვლილთა ოჯახის წევრებს, ნათესავებსა და ახლობლებს. ეს არის კიდევ ერთი უმძიმესი ტრაგედია ჩვენთვის. კიდევ ერთხელ ვუსამძირებთ ყველას ამ უმძიმეს დანაკარგს და შემთხვევის შედეგად დაშავებულებს გამოჯანმრთელებას ვუსურვებთ", — აცხადებს გიორგი ვაშაძე.

შსს-ს ინფორმაციით, მიკროავტობუსი გადავარდა კლდოვან ფერდობზე, დაახლოებით 80 მეტრის სიმაღლიდან. დაშავებულთა ნაწილი მაშველებმა უსაფრთხო ტეროტორიაზე უკვე ამოიყვანეს, ტრანსპორტში მყოფი სხვა პირების ძებნისა და ამოყვანის სამუშაოები კი გრძელდება. ამასთანავე, მიმდინარეობს მგზავრთა იდენტიფიცირება და სხვა ოპერატიულ-საგამოძიებო მოქმედებები.