ევროპული საქართველო ეტაპობრივად აქვეყნებს საკუთარ საარჩევნო გეგმას. პარტიის ეკონომიკური გეგმის მიხედვით, აქციზი საწვავზე 25%-ით, ხოლო დამატებითი ღირებულების შემოსავალი 18%-დან 16%-მდე შემცირდება. ასევე, ევროპული საქართველოს საარჩევნო გეგმის მიხედვით, საშემოსავლო გადასახადი 20%-დან 10%-მდე, ხოლო მოგების გადასახადი 15%-დან 10%-მდე შემცირდება.

ევროპულმა საქართველომ დღეს გამოაქვეყნა გეგმის კიდევ ერთი მნიშვნელოვანი ნაწილი — ეკონომიკური დანაშაულის დეკრიმინალიზაცია.

როგორც ევროპული საქართველოს საარჩევნო გეგმაშია ნახსენები, ხელისუფლებები აქტიურად იყენებდნენ სამართლებრივ ბერკეტს, რათა ზეწოლა მოეხდინათ ბიზნეს სუბიექტებზე.

ეკონომიკური დანაშაულის დეკრიმინალიზაციით, ხელისუფლებას აღარ დარჩება ბერკეტი, რომ რაიმე გავლენა მოახდინოს ბიზნესზე, მათ შორის პოლიტიკური ნიშნითაც.

ევროპული საქართველო განაგრძოს თავისი საარჩევნო გეგმის გამოქვეყნებას, რომელიც ეკონომიკურ სფეროსთან ერთად, სხვა სფეროებსაც მოიცავს.