თბილისის ინფექციური საავადმყოფოს სამედიცინო დირექტორი, მარინა ეზუგბაია აცხადებს, რომ ინფექციური საავადმყოფო არათუ წყვეტს პაციენტების მიღებას, არამედ დროებით აჩერებს ინფრასტრუქტურისა და სამედიცინო პერსონალის პროფესიონალიზმის გაუმჯობესების მიზნით.

მისივე თქმით, ეს დროებითი შეზღუდვა ეხება მხოლოდ კოვიდინფიცირებულებსა და აივ შიდსით სტაციონარულ პაციენტებს, ხოლო აივ შიდსით ამბოლატორიულ და სხვა წარმოშობის ინფეციურ პაციენტების მკურნალობას აგრძელებენ.

20 აგვისტოს თბილისის ინფექციური საავადმყოფოს დირექტორმა, თენგიზ ცერცვაძემ განაცხადა, რომ იძულებული გახდნენ შეეწყვიტათ კორონავირუსით პაციენტებისა და აივ შიდსით სტაციონარული ავადმყოფების მიღება ელემენტარული, აუცილებელი, სასიცოცხლოდ მნიშვნელოვანი პირობების არქონის გამო.